«Инклюзивті ата-аналар» қоғамдық қорының тәрбиеленушілері үшін Мәлік Ғабдуллин атындағы Азаматтық қорғау академиясына экскурсия өткізілді. Бұл балаларға өрт сөндіруші мамандығының маңыздылығы туралы айтып қана қоймай, сонымен қатар өрт қауіпсіздігі ережелерін үйретудің жақсы тәсілі.

Экскурсия барысында балалар техника мен құрал-жабдықтарды көріп, өрт сөндіру көлігін тамашалады. Курсанттар оларды көліктің тактикалық-техникалық сипаттамаларымен таныстырып, өрт сөндірушілердің қызметі туралы әңгімеледі. Сондай-ақ балаларға өрт сөндіру көлігінің руліне отырып, естелік ретінде суретке түсуге рұқсат етілді.

Сондай-ақ курсанттар өрт сөндірушілердің жауынгерлік киімдерін барынша тез және дұрыс кию жолдарын кезең-кезеңімен көрсетті. Балалар каскаларды өздері қуанышпен киіп көрді.

 ТЖМ Мәлік Ғабдуллин атындағы

Азаматтық қорғау академиясының

баспасөз қызметі

Ақпарат көзі: Министерство по чрезвычайным ситуациям Республики Казахстан