Балалардың терезелерден абайсызда, әсіресе, көп қабатты үйлерден құлап кетуі өзекті мәселе болып қала береді. Бұл қайғылы оқиғалар көбіне терезелерден құлап кетуден қорғайтын бұғаттағыштардың болмауы немесе ересектер тарапынан қараусыз қалуынан болып жатады.

БҚО ТЖД қызметкерлері еріктілермен бірлесіп, мұндай оқиғалардың алдын алу бойынша нақты жұмыстар атқаруда.

Бірлескен жоба аясында әлеуметтік осал санаттағы азаматтардың үйлерінде 190-нан астам терезе бұғаттағыштары орнатылды. Бұл бұғаттағыштар балалардың терезеден құлау қаупін айтарлықтай азайтып, кішкентай балалары бар отбасыларының үйлерінде қосымша қорғауды қамтамасыз етеді.

Бұғаттағыштарды орнатумен қатар, ата-аналар мен тәрбиешілерге арналған семинарлар мен кеңестер ұйымдастырылып, үйдегі балалардың қауіпсіздігі бойынша практикалық кеңестер талқыланады.

Төтенше жағдайлар департаменті және еріктілермен бірлескен жұмыс, әсіресе, халықтың неғұрлым осал топтарында қауіпсіз орта құруға бағытталған. Мұндай іс-шаралар жазатайым оқиғалардың алдын алуға және отбасылар үшін тыныштықты қамтамасыз етуге көмектеседі.

БҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан