Мемлекеттік қызмет істері агенттігінің бастамасымен сервистік және адамға бағдарланған мемлекеттік аппаратты қалыптастыру аясында жылжымайтын мүлікке құқықтарды тіркеу, сәулет, қала құрылысы және жер қатынастары саласындағы мемлекеттік қызметтерді алу тәртібін түсіндіру бойынша «Қызмет алушылар күні» ұйымдастырылды.

«Қызмет алушылар күні» еліміздің барлық өңірлерінде бірыңғай форматта өтіп, оған 1500-ға жуық азамат қатысты.

Іс-шараның негізгі мақсаты – мемлекеттік көрсетілетін қызметтерді алу кезінде халықтың заңды құқықтары туралы хабардар болуын арттыру, азаматтарға неғұрлым сұранысқа ие және әлеуметтік маңызы бар қызметтер бойынша көмек көрсету. 

Іс-шараға жергілікті атқарушы органдардың сәулет, қала құрылысы және жер кадастры салалары, «Азаматтарға арналған үкімет» мемлекеттік корпорациясының өкілдері қатысып, тиісті түсіндірмелер берді.

Азаматтар тарапынан тұрғын үй салу, коммерциялық құрылыс үшін жер учаскелерін алуға, жер учаскелерінің нысаналы мақсатын өзгертуге және бөлуге, жылжымайтын мүлікті салуға, қайта жаңартуға және қайта жоспарлауға рұқсат құжаттарын алуға, объектілерді пайдалануға беруге қатысты сұрақтар қойылды.

Сонымен қатар, азаматтарға мемлекеттік қызметтерді алу құқықтары, мемлекеттік қызметтерді көрсету сапасын бағалау және бақылау жөніндегі уәкілетті органға көрсетілетін қызметті берушілердің шешімдеріне шағымдану тәртібі түсіндірілді.

Ақпарат көзі: Агентство Республики Казахстан по делам государственной службы