Цифрлық болашаққа қадам: SHAKARIM UNIVERSITY мен KYUNGDONG UNIVERSITY бірлескен бағдарламасы

Shakarim University мен Оңтүстік Кореяның Kyungdong University арасында жүзеге асырылып жатқан қосдипломды «Smart Computing» білім беру бағдарламасы – заманауи технологиялар мен жасанды интеллект саласында терең білім алуға мүмкіндік беретін ерекше бағдарлама. 2017 жылдан бері бұл серіктестік студенттерге екі елдің де дипломын алуға, халықаралық деңгейде бәсекеге қабілетті маман болуға жол ашып келеді.

Бағдарламаның ерекшелігі – ол студенттерге заманауи білім мен кәсіби дағдыларды меңгеруге, сондай-ақ, әлемдік IT-мамандар қауымдастығының бір бөлігі болуға мүмкіндік береді. Бұл бағдарлама студенттерді қазіргі заманғы технологиялар әлеміне дайындап, олардың кәсіби қабілеттерін шыңдайды.

Бағдарламаның түлектерінің бірі, Алишер Маулетов, өз тәжірибесімен бөлісіп, былай дейді: «Бұл бағдарлама мені заманауи технологиялар әлемінде жаңа мүмкіндіктер мен кәсіби сынақтарға дайындады. Алған білімімді нақты өмірде қолданып, биік белестерге жетуге дайынмын».

Shakarim University мен Kyungdong University арасындағы осы бағдарлама заманауи IT саласында халықаралық деңгейде бәсекеге қабілетті маман болуға ұмтылған жастар үшін маңызды қадам болып табылады.

онымен қатар, Shakarim University HUAWEI компаниясының оқу кабинеті ашылды. Жаңа оқу жылынан бастап IT-технологиялар кафедрасында оқитын студенттер «Деректерді беру желілері» (DataCom), «Желілік қауіпсіздік» (Network Security) және «Сымсыз желілер» (WLAN) бағыттарын меңгере алады. Оқыту барысында HUAWEI компаниясы ұсынған заманауи технологиялар, жабдықтар мен оқу материалдары пайдаланылады. Бұл студенттерге соңғы әзірлемелерге қол жеткізуге және ақпараттық технологиялар саласында сәтті мансап үшін қажетті практикалық дағдыларды игеруге мүмкіндік береді.

Ақпарат көзі: Қазақстан Республикасы Ғылым және жоғары білім министрлігі