Бүгін Орталық коммуникациялар қызметінің алаңында ҚР ЦДИАӨМ өкілдері жаһандық цифрландыру жағдайында ақпараттық қауіпсіздікті қамтамасыз етудің маңызды мәселелеріне тоқталды. Жиынға ҚР ЦДИАӨМ Ақпараттық қауіпсіздік комитетінің төрағасы Әбдіқалықов Руслан, ҚР ЦДИАӨМ Ақпараттық қауіпсіздік комитеті төрағасының орынбасары Арықбекова Үмітжан және TSARKA Президенті Сатиев Олжас қатысты.

Спикерлер ақпараттық қауіпсіздікті қамтамасыз етудегі өзгерістерге тоқталды. Бұрын сынақ нәтижелері бойынша актіні алу үшін аккредиттелген зертханалардағы сынақтардан кейін Ақпараттық қауіпсіздік комитетіне хабарласу қажет болатын. Енді қорытынды құжаттар 8 жеке зертханадан немесе «Мемлекеттік техникалық қызмет» АҚ-нан алынған сынақ есептерінің өзі болып табылады. Сондай-ақ, 2000-нан астам сарапшыны тартып, осалдықтар туралы 2400-ден астам есеп алған BugBounty платформасының құқықтық мәртебесі белгіленді. Ақпараттандыру объектілерінің бастапқы кодтарын талдауға арналған бірыңғай «электрондық үкімет» репозиторийінің функциялары айқындалды.

Бүгінгі таңда елімізде киберқауіпсіздік мәдениетін дамыту – басты аспектілердің бірі. Брифинг барысында Руслан Кенжебекұлы халықтың киберқауіпсіздік қатерлері туралы хабардар болуын арттыруға бағытталған науқандар мен бағдарламалардың тұрақты түрде жүргізіліп жатқанын атап өтті.

«Әлеуметтанулық зерттеу деректері бойынша 2023 жылы халықтың хабардарлық деңгейі 80,4% - ға жетті, бұл 2022 жылғы көрсеткіштен (77,4%) асып түсті. Ақпараттық қауіпсіздік саласындағы білім беруді қолдау үшін 2024-2025 оқу жылдарына 3660 білім беру гранты бөлінді. Сонымен қатар, мемлекеттік қызметкерлерді қарқынды оқыту жүргізілуде: 2022 жылы 1500-ден астам адам дайындықтан өтті, ал 2023 жылы бұл сан 2500-ден астам адамға дейін өсті»,- деді Төраға.

Комитет киберқауіпсіздік және жеке деректерді қорғау саласындағы жаңа бастамалар бойынша белсенді жұмыс жасауда. CITIZENSEC.KZ халықты оқыту және хабардар ету платформасы іске қосылды. Жұмыстағы маңызды қадам ақпараттық қауіпсіздіктің 48 жеке жедел орталықтарының және 8 аккредиттелген зертханалардың жұмыс істеуі болып табылады. Бұл аталған саладағы сапалы кәсіби қызметтер нарығының дамуына ықпал етеді.

«Ақпараттың тарап кетуі мен шабуыл жасау жағдайлары соншалықты тез өзгеруде, ендігі болып жатқан жағдайға өз реакцияңызды өзгертулеріңіз қажет. Өйткені, шабуылдар мен мағлұматтың тарап кету жағдайлары әрдайым болған, өкінішке орай, әрі қарай да болады. Осы жағдайда өзіңіздің цифрлық сауаттылығыңыздың деңгейін арттыру әлдеқайда тиімді. Сондай-ақ, күдікті әрекеттер болған жағдайда бұл туралы міндетті түрде реттеушіге хабарлауды ұмытпаңыз. Жеке және корпоративтік қауіпсіздік үшін көптеген шешімдер бар. Шабуылдар бізден алда екенін мойындауымыз керек және біздің міндетіміз зиянкестермен Сіздермен бірге «күресу»», - Олжас Сатиев атап өтті.

Төраға Қазақстандағы ақпараттық қауіпсіздікті қамтамасыз етудегі жаңа өзгерістермен таныстырды. 2023 жылғы 11 желтоқсандағы Заңмен цифрлық даму министрлігіне дербес деректерді қорғау саласындағы заңнаманың сақталуын мемлекеттік бақылау функциясы берілді. Негізгі түзетулер: заңда көзделген жағдайларды қоспағанда, жеке басын куәландыратын құжаттардың көшірмелерін жинауға және өңдеуге тыйым салу; азаматтарды дербес деректердің сыртқа шығуы туралы міндетті түрде хабардар ету, банктік несие алудан ерікті түрде бас тартуды енгізу. Бұдан бөлек, дербес деректерге қол жеткізуді бақылаудың міндетті сервисі (КДК сервисі) енгізілді. Күн сайын КДК сервисі арқылы келісім алу үшін 600 мыңнан астам сұраныс өтеді және 157 ақпараттық жүйе біріктірілген.

ҚР ЦДИАӨМ баспасөз қызметі

Ақпарат көзі: Министерство цифрового развития, инноваций и аэрокосмической промышленности Республики Казахстан