Маңғыстау облысына жұмыс сапары аясында ҚР Әділет министрі Азамат Есқараев облыс әкімі Нұрдәулет Қилыбаймен кездесті. Кездесу барысында әділет министрі мен аймақ басшысы Әділет департаментінің халыққа көрсетілетін қызмет сапасын арттыру мәселесін талқылады.

Заң қызметтерін көрсету үшін тиімді жағдайлар жасау мақсатында Әділет министрлігі мен Маңғыстау облысы әкімдігінің өзара іс-қимылын жақсартуға ерекше назар аударылды. Азамат Есқараев Маңғыстау облысы әкімдігі тарапынан қолдау көрсетудің қажеттілігін және материалдық-техникалық базаны жаңартудың маңыздылығына тоқталды.

Бұл сот-сараптамаларының сапасын айтарлықтай арттырып, жалпы облыстағы әділет органдарының қызметін жақсартуға мүмкіндік береді.

Кездесу соңында тараптар Маңғыстау облысының азаматтарына заңгерлік қызмет пен құқықтық қорғаудың жоғары деңгейін қамтамасыз ету үшін одан әрі ынтымақтастыққа дайын екендіктерін білдірді.

Ақпарат көзі: Министерство юстиции Республики Казахстан