ДЕНЕ ШЫНЫҚТЫРУ ЖӘНЕ БҰҚАРАЛЫҚ СПОРТ АКАДЕМИЯСЫНЫҢ СТУДЕНТІ ШАХМАТТАН ӘЛЕМ ЧЕМПИОНЫ АТАНДЫ

   13 маусым күні Үндістанда (Гандинагар қ.) шахматтан Әлем Чемпионаты: FIDE World Junior өтті.

    Жарысқа еліміздің атынан қатысқан Дене шынықтыру және бұқаралық спорт академиясының студенті Қазыбек Нөгербек Әлем чемпионы атанды. Турнирге жалпы 123 шахматшы қатысып, оның ішінде 13 гроссмейстер және 28 халықаралық шеберлер болды.

 Қазыбек «Үстел спорты түрлері бойынша педагог-жаттықтырушы (шахмат)» инновациялық білім беру бағдарламасы бойынша оқиды. Бұл жеңіс оған алтын медаль ғана емес, Әлем Кубогына жолдама алып келді. Сондай-ақ бұл жетістік оны жасөспірімдер арасындағы Әлем Чемпионатында жеңіске жеткен қазақстандық санаулы шахматшылардың қатарына қосады.

Ақпарат көзі: Қазақстан Республикасы Ғылым және жоғары білім министрлігі