Абжанов Жексен Олжабайұлы 57 жаста, «Болат» шаруа қожалығының жұмысшысы, Павлодар облысы, Павлодар ауданы, Шақат ауылы.

Еңбек жолын 1984 жылы Лебяжі ауданының XXIII партия съезі атындағы совхозында механизатор болып бастаған. Кеңес әскері қатарында қызмет еткеннен кейін совхозда, орман шаруашылығында еңбек етті.

2012 жылдан бастап шаруа қожалығында жұмыс істейді. Бүгінде қожалықта 1450 бас қазақтың ақбас сиыры бар. Қарауындағы мал басының тәуліктік орташа салмақ қосуы 900 грамм, ал 100 сиырға шаққандағы жылдық төл алу көрсеткіші 95 бұзауды құрайды.

Жексен Олжабайұлы – өз ісіне адал, жауапкершілігі жоғары маман, ұжым арасында үлкен құрметке ие. Тәжірибелі тәлімгер ретінде жас мамандармен кәсіби және өмірлік тәжірибесімен бөліседі.

2024 жылы «Ерең еңбегі үшін» медалімен марапатталған.

Ақпарат көзі: Министерство сельского хозяйства Республики Казахстан