ҚР Экология және табиғи ресурстар министрлігінде тұрақты даму саласында жұмыс істейтін израильдік компаниялардың өкілдерімен кездесу өтті.

Кездесу барысында вице-министр Нұрлан Құрмалаев қонақтарға су тасқыны мен өртті қоса алғанда, түрлі төтенше жағдайларды модельдеу және болжау үшін мүдделі органдармен бірлесіп әзірленіп жатқан ақпараттық жүйе туралы атап өтті.

Ол аталған жоба аясында бірқатар негізгі су ағындарындағы су тасқынын модельдеу есептеулері жүргізілгенін, сондай-ақ рельефтің цифрлық модельдерін жасау және гидрометеорологиялық ақпаратты жинауды автоматтандыру үшін деректер жинау басталғанын атап өтті.

«Біз сондай-ақ цифрлық технологиялар, гидрометеорология және экология саласында маманданған израильдік компаниялардың су тасқыны мен орман өрттері сияқты төтенше жағдайларды модельдеу үшін ақпараттық жүйені әзірлеу жөніндегі ынтымақтастық туралы ұсыныстарын қарастыруға дайынбыз», - деді Н. Құрмалаев.

Сондай-ақ, израильдік компаниялар жоғарыда аталған бағыттарда ТМД елдерінде жобаларды жүргізу тәжірибесімен бөлісті.

Кездесу қорытындысы бойынша тараптар жер үсті және теңіз суларының сапалық жай-күйін мониторингілеу және су тасқынын модельдеу мәселесі бойынша қосымша ақпарат алмасуға уағдаласты. 

Ақпарат көзі: Министерство экологии, геологии и природных ресурсов Республики Казахстан