2024 жылғы 11 маусымда ҚР Энергетика министрлігінде Конго Республикасы Президентінің стратегиялық мәселелер және халықаралық ынтымақтастық жөніндегі жеке өкілі Француаза Жолидің кездесуі өтті.

Кездесу барысында тараптар энергетика саласындағы екіжақты ынтымақтастықты талқылады.

ҚР Энергетика вице-министрі Е. Ақкенженов әлемдік нарықтың өзгермелі жағдайлары мен жаһандық сын-қатерлер жағдайында Қазақстанның энергетика саласының дамуы туралы айтып берді.

Келіссөздер барысында, ең алдымен экономикалық прагматизм қағидасына негізделген 2060 жылға дейін көміртегі бейтараптығына қол жеткізуге бағытталған кезеңді және теңгерімді тәсілдің маңыздылығы атап өтілді.

Сондай-ақ, тараптар екіжақты энергетикалық ынтымақтастықтың, атап айтқанда мұнай және газ өнеркәсібі саласының қазіргі жағдайы мен перспективаларын, сондай-ақ электр энергетикасын дамытуды талқылады.

Сапар қорытындысы бойынша тараптар Конго Республикасының мамандарын ҚР-да оқыту бойынша техникалық ынтымақтастық туралы келісімге қол қою мүмкіндігін қарастыруға келісті.

Ақпарат көзі: Министерство энергетики Республики Казахстан