Сауда-ойын-сауық орталықтарындағы, сауда үйлеріндегі және базарлардағы өрттер үлкен материалдық шығынға және басқа да ауыр зардаптарға әкеледі.

Мұндай объектілердің өрт қауіптілігі өрт жүктемесінің көп болуымен сипатталады (ауқымдылығы, адамдардың шоғырлануы, тауар қорлары, жану кезінде уландырушы әсер ететін және түтін пайда болуын арттыратын полимерлік және синтетикалық материалдар және т.б.).

Мәселен, 16 шілдеде Алматы қаласында «Мизам» базарында өрт болды, 17 шілдеде елордада «Ажар» сауда үйі өртенді.

Сауда-ойын-сауық орталықтарында, сауда үйлері мен базарларда өрттердің туындау қаупін азайту мақсатында жергілікті атқарушы органдардың, «Атамекен» ҰКП және бұқаралық ақпарат құралдарының өкілдерімен, сондай-ақ волонтерлермен және блогерлермен өзара іс-қимыл жасай отырып, 22-28 шілде аралығында «Қауіпсіз сауда» республикалық профилактикалық акциясы өткізілуде.

Осы іс-шара шеңберінде өрт қауіпсіздігі саласындағы заңнаманы сақтау бойынша профилактикалық іс-шаралар ұйымдастырылатын болады (оның ішінде ұсынымдар берумен, иеленушілермен және жалға алушылармен кездесулер ұйымдастырылады).

Бұдан басқа осы санаттағы объектілердің жедел жоспарлары мен өрт сөндіру карточкаларына түзетулер жүргізілді, ал ірі объектілерде өрт-тактикалық оқу-жаттығулар өткізілді (сабақтарға).

ТЖМ Өртке қарсы қызмет комитеті

Ақпарат көзі: Министерство по чрезвычайным ситуациям Республики Казахстан