Республика күніне орай және Астана қаласы әкімдігінің Орталықтандырылған кітапханалар жүйесінің құрылғанына 50 жылдық мерейтойы аясында №5 балалар кітапханасының жаңғыртудан кейінгі ашылуы және кітапханашы қызметкерлерді марапаттау іс-шарасы өтті, деп хабарлайды елорда әкімдігінің ресми сайты.

Іс--шараға зиялы қауым өкілдері, Астана қаласы мәслихатының депутаттары мен кітапхана қызметкерлері қатысты.

Қазіргі уақытта Кітапханалар жүйесінің кітап қоры 784000 дананы құрайды. Оқырмандар саны – 83 300.

Астана қаласы әкімдігінің орталықтандырылған кітапханалар жүйесін жаңғырту нәтижесінде 2023 жылы 4 кітапханаға, 2024 жылы 8 кітапханаға жөндеу жүргізілді.

Жаңғыртудың басты міндеті – қызметтердің сапалы жаңа жүйесін құру, кітапханаларда білім алу, коммуникация және бос уақытты өткізу үшін көп функционалды орталықтарға айналдыру.

Бүгінде кітапханалар тек кітап оқитын орын емес, оқырмандар өздерінің шығармашылық әлеуетін іске асыратын, демалып, жүздесетін орынға айналды. Сонымен қатар, әртүрлі санаттағы оқырмандар үшін еркін үйірмелер жұмысы ұйымдастырылуда.

2024 жылы қаланың кітапхана желісі тағы 4 кітапханаға ұлғайды (осылайша кітапханалардың жалпы саны 22 кітапхананы құрайды).

Жаңа кітапханалар тізімі:

1. № 1 балалар кітапханасы (Бөкейхан көшесі, 25/7)2. № 6 балалар кітапханасы (Сығанақ көшесі 14, тұрғын емес үй-жай 37)3. № 8 көпшілік кітапханасы (Қосшығұлұлы көшесі, 8/2 тұрғын емес үй-жай 4, тұрғын емес үй-жай 5)4. № 6 көпшілік кітапханасы (Нәжімеденов көшесі, 27).

Айта кетейік, кітапхананы жаңғырту барысында еліміздің және елорданың экологиялық бастамаларына арналған «Таза Қазақстан» заманауи бұрышы ашылды. Бұл бұрышта экологиялық тәрбие, қоршаған ортаны қорғау, мәдени нысандарды сақтау туралы кітаптар, журналдар мен ақпараттық материалдар орналасқан. «Таза Қазақстан» бұрышы бірнеше кітапханада құрылған, жыл соңына дейін тағы бірнеше қатарды қамтуды жоспарлап отыр.

Естеріңізге сала кетейік, «Таза Қазақстан. Астана – тазалық пен тәртіптің үлгісі» акциясы аясында қаланы санитарлық тазарту, нөсер және арық кәріздерін тазарту, көшелерді, тротуарларды, кварталішілік аумақтарды, қоғамдық кеңістіктер мен аулаларды тазалау жүргізілуде. Сондай-ақ, жасыл желектерді күтіп ұстау және отырғызу, сауда нысандарына іргелес аумақтарды жинау, рұқсат етілмеген полигондарды жою және т.б. жұмыстар жүргізілуде.

Сонымен қатар, елордада Taza Astana жаңа әлеуметтік жобасы іске қосылды. Жоба құқықтық тәртіп, абаттандыру, көгалдандыру, санитарлық тазалау, көппәтерлі тұрғын үйлердің, аудандар, үй жанындағы аула аумақтарының кірме топтарының тазалығы мәселелері бойынша жүйелі жұмыс жүргізуге бағытталған.

Ақпарат көзі: ГУ «Аппарат акима города Астана»