Таиландтың Чиангмай қаласында өтіп жатқан бокстан Азия чемпионатында ел қоржыны тағы бір алтын медальмен толықты, деп хабарлайды елорда әкімдігінің ресми сайты.

Аса ауыр салмақтағы (+92 кг) жерлесіміз Айбек Оралбай 2 жыл бұрынғы Аммандағы жетістігін тағы қайталап, жеңімпаз атанды. Ол финалда Қытай өкілі Абудурешити Ремуланы сан соқтырды. Осылайша, Айбек командаға 4-алтынды салды.

Осыған дейін тағы бір жерлесіміз Санжар күміс жүлдегер атанған болатын. Биылғы Азия чемпионатын еліміздің ерлер құрамасы 4 алтын, 5 күміс, 1 қола медальмен жалпы командалық есепте 2-орында аяқтады.

Ақпарат көзі: ГУ «Аппарат акима города Астана»