Шығыс Қазақстан облысындағы балық шаруашылығы бассейні көлемі елдегі жетекші орынға ие. Өткен ғасырдың екінші жартысында Ертіс өзенінде бағалы балықтар мекен еткен. Осы орайда аймақта бекіре популяциясын жандандыру мақсатында Қара Ертіс өзеніне 500 бекіре балығын жіберу жоспарланған. Бүгін Шығыс Қазақстан облысының әкімі Ермек Көшербаев «Ost Fish» ЖШС басшылығымен кездесті..- Облыстағы Ертіс табиғи су айдыны балық түрлеріне өте бай. Жылдар бойы табиғи отанында өсірілген жергілікті балықтарды сақтап, Сібір бекіресі сынды жойылып кеткен түрлерін қайта өсіруге жағдай жасауымыз керек.Сондай-ақ, балықтардың тұрақты санын сақтау үшін популяцияны сақтау шараларын жүргізуіміз қажет,- деді облыс әкімі Ермек Көшербаев.Сонымен қатар, өңір басшысы облыста балық шаруашылығымен айналысқан ардагерлерден қайта балықтандыру бойынша кеңес алуды тапсырды. Осы орайда облыста балық жеміне арналған база құру жоспарланды. Жергілікті су қоймаларына шет елдік балық тұқымын таратудан қарағанда, бұған дейін су айдындарында өсірілген балық түрлерін қайта көбейту әлдеқайда артық екенін атап өтті.Облыста тұрғындар арасында аквамәдениетті қалыптастыру және өңірдің флорасы мен фаунасын қорғау мәселесі де қаралды. Заңсыз балық аулайтын броконьерлікті алдын алу шараларын қатаң түрде күшейту тапсырылды.Өз кезегінде идея жетекшісі «Ost Fish» ЖШС директоры Ерлан Сағидолдинның айтуынша, Қара Ертіске Сібір бекіресінің тарихи ареалы болғандықтан, Боран ауылының маңында жіберілетін болады.

ШҚО әкімінің баспасөз қызметі

Ақпарат көзі: ГУ «Аппарат акима Восточно-Казахстанской области»