ҚР Қорғаныс министрлігі Орталық спорт клубының спортшысы Демеу Жадыраев грек-рим күресінен 77 келі салмақ дәрежесінде Париж Олимпиадасының алтын медаліне таласады.

2017 жылғы әлем чемпионатының күміс жүлдегері, 2015, 2018 жылдардағы Азия чемпионатының қола және күміс медальдерінің иегері ширек финалда екі дүркін әлем чемпионы, Токио Олимпиадасының күміс жүлдегері қырғыз балуаны Ақжол Махмудовты жеңді. Жартылай финалда ол 2021 және 2023 жылғы әлем чемпионаттарының күміс жүлдегері әзербайжан спортшысы Санан Сүлеймановты 6:1 есебімен ұтты.

7 тамызда өтетін финалда оған жапонның атақты балуаны Нао Кусака қарсылас болмақ. Жекпе-жектің көрсетілімі Астана уақыты бойынша сағат 21:15-те басталады.

Ақпарат көзі: Министерство обороны Республики Казахстан