Конституциялық Сотта Қазақстан мен АҚШ адвокаттарының, Конституциялық Сот талдаушыларының, Әйелдерге қатысты кемсітушілікті жою комитетінің мүшесі М.Жарбусынованың, БҰҰ Кеңсесі басшысының м.а. Д.Амришеваның және Әділет, Мәдениет және ақпарат министрліктері өкілдерінің, сондай-ақ Қазақстандағы адам құқықтары жөніндегі уәкіл кеңсесінің қатысуымен сараптамалық кездесу өтті.

АҚШ адвокаттар делегациясын бастаған Камиль Васкес мен Бенджамин Г. Чу өз еліндегі гендерлік теңдік және әйелдердің сот төрелігіндегі құқықтарын нығайту мәселелері бойынша тәжірибелерімен бөлісті.

КС Төрағасы Эльвира Азимова БҰҰ мен Еуропалық Одақтың стратегиялық құжаттары мен декларацияларында бекітілген теңдік және кемсітпеу қағидаттарын сақтаудың маңыздылығын атап өтті. Қазақстандағы БҰҰ-Әйелдер кеңсесі басшысының м.а. Қазақстанның адам құқықтарының жалпыға бірдей декларациясын, Азаматтық және саяси құқықтар туралы халықаралық пактіні және Әйелдерге қатысты кемсітушіліктің барлық нысандарын жою туралы конвенцияны қоса алғанда, әйелдердің құқықтарына қатысты міндеттемелерді қабылдағанын атап өтті.

Кездесуге қатысушылар әйелдердің жанжалдардың алдын алуға және реттеуге тең қатысуына, сондай-ақ олардың бейбітшілік пен қауіпсіздікті қамтамасыз етудегі рөлін арттыруға бағытталған 1325 толықтырылған Ұлттық жоспарға баса назар аударды.

Бұл жоспарды Үкімет ағымдағы жылдың 29 маусымында өзектендірді және ол 34 іс-шараны қамтиды: гендерлік мәселелер және азаматтық адамдар мен балаларды қорғау жөніндегі әскери кеңесшілерді даярлау; әйелдерді Қорғаныс министрлігі, ІІМ, ТЖМ және Бас прокуратура жүйелерінде басшылық лауазымдарға ілгерілету; қауіпсіздік және қорғаныс саласындағы кәсіби дамуға гендерлік-сезімтал тәсілді әзірлеу; әйелдер арасынан дипломатиялық персоналды қарусыздану және қауіпсіздік мәселелері жөніндегі халықаралық келіссөздерге тарту; халықаралық келіссөздер мен консультацияларға қатысу үшін әйелдер арасынан келіссөздер тобын құру.

«Әйелдердің сот төрелігі саласындағы тең өкілдігін қамтамасыз етудегі мақсат тек әйелдердің құқықтарын қорғаудың ғана емес, сонымен қатар құқықтың үстемдігін күшейту мақсатында болуы керек», - деп атап өтті Эльвира Азимова. Ол сондай-ақ ұлттық жоспар өңірдегі адам құқықтарын қорғау және тұрақтылықты қамтамасыз ету саласында озық заң тәжірибелерін ілгерілету және тәжірибе алмасу мақсатында серіктестермен Орталық Азиядағы сот төрелігі мен қауіпсіздік саласындағы әйелдер қауымдастығын құруды талқылау мәселесін қарауды көздейтінін айтты.

Ақпарат көзі: Қазақстан Республикасының Конституциялық Соты