ШҚО ТЖД құтқарушылары туристік лагерьде балаларға арналған қауіпсіздік күнін өткізді. Демалушы балалар табиғатта өмір сүру туралы өздері естіп-білген: олар өздерінің тәлімгерлерімен бірге жорықтарда болған кезде, осының бәрін зерттейді.

Белсенді және жігерлі балалар ТЖ қызметкерлерін қызығушылықпен тыңдап, ал мінез-құлық ережелерін өздері  де, тіпті құтқару телефондарының нөмірлерін  ұмытпай, ең кішкентайлары да  айтып берді.

Апаттар медицинасы орталығының дәрігерлері балаларды зардап шеккендерге алғашқы көмек көрсетуге үйретті, бұл дағдылар әсіресе туристерге қажет, өйткені жорықта адам түрлі жарақат алуы мүмкін. Балалар дәрігерлерді сұрақтың астына алып, олардан білікті жауаптар алып, тіпті өздері арнайы манекенге «жан бітірді».

Өрт сөндіруші болып жұмыс істеудің қандай екенін байқап көру үшін балалармен эстафета өткізілді. Кезеңдерде шартты жануды сөндіруде шеберлікті, ептілік пен жылдамдықты қолдану қажет болды.

Сондай-ақ, балалар жедел-құтқару жасағының кинологиялық есебімен танысты. Төрт аяқты құтқарушы Хит, күннің хиті болды. Ит барлық жасырын балаларды тез тауып алып, кинологқа дауыс  арқылы белгі берді,  ал бұл кішкентай туристерге үлкен әсер қалдырды.

ШҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан