Демалыс күндері Ұлытау облысы аумағындағы су айдындарында рейдтік іс-шаралар жүргізілді.

ТЖД және Жезқазған қаласы ТЖБ, Прокуратура, ДП және ЖӘАЖ қызметкерлерімен бірлесіп, Кеңгір су қоймасының жағалауында рейдтік іс-шаралар өткізілді.

Іс-шара барысында БАҚ өкілдерін тарта отырып демалушыларға судағы қауіпсіздікті қатаң сақтап, тыйым салынған жерлерге шомылуға болмайтыны жайлы есткертіліп, жадынамалар таратылды.

Үгіт-насихат жұмыстарымен барлығы 508 адам қамтылып, 400 жадынама таратылды. Сонымен қатар, су қауіпсіздігі қағидаларының талаптарын бұзғаны үшін 2 адамға ӘҚБК-нің 412 бабы бойынша айыппұлдар салынды.

Айта кететін болсақ, Жезқазған қаласы бойынша рұқсат етілген 5 жағажай орны бар екенін еске саламыз.

 Ұлытау облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан