Конституциялық Сотқа азаматтың «Соттардың бала асырап алу жөніндегі заңнаманы қолдану практикасы туралы» Жоғарғы Соттың 2016 жылғы 31 наурыздағы №2 нормативтік қаулысының 3-тармағының сегізінші абзацының Конституцияға сәйкестігін тексеру туралы өтініші келіп түсті.

Көрсетілген Жоғарғы Сот нормативтік қаулысының нормасына сәйкес бала асырап алу туралы сотқа өтінішке бала асырап алушы (бала асырап алушылар) жеке өзі қол қоюға тиіс, бала асырап алушының мүддесі үшін өкілінің өтініш беруіне жол берілмейді.

Өтініш берушінің пікірі:

Жоғарғы Сот нормативтік қаулысының талабы оның атынан сотқа заң консультантының немесе адвокаттың өтініш беруіне тыйым салуды белгілеу арқылы оның конституциялық қорғау құқығын шектейді.

Өтінішті қарау жөніндегі отырысқа қатысқандар:

Өтініш иесінің, Бас прокуратураның және Әділет министрлігінің өкілдері.

Баяндамашы судья: Ескендіров А.Қ.

Конституциялық Соттың қорытынды шешімі Конституциялық заңның 65-бабына сәйкес КС ресми сайтында сілтеме бойынша https://www.gov.kz/memleket/entities/ksrk/activities/directions?lang=kkhttps://www.gov.kz/memleket/entities/ksrk/activities/directions?lang=kk, «Егемен Қазақстан» және «Казахстанская правда» газеттерінде жарияланатын болады.

Телеграмм КС - https://t.me/consot_kz 

Ақпарат көзі: Қазақстан Республикасының Конституциялық Соты