Астанада мемлекеттік органдар, ғылыми және кәсіби заң қоғамдастығы өкілдерінің, Парламент депутаттарының, Конституциялық Сот судьяларының, халықаралық ұйымдар өкілдерінің қатысуымен Қазақстан Республикасы Судьяларының IX съезі өтті.

Съездің ашылуында Қазақстан Республикасының Президенті Қасым-Жомарт Тоқаев қатысушыларға құттықтау сөз сөйледі.

Мемлекет басшысы әділ сот мемлекеттің тұрақтылығының негізі болып табылатынын, ал сот жүйесі беделді және бейтарап болуға тиіс екенін атап өтті. Бұл ретте заң мен тәртіп қоғамның әділдігінің негізгі көрсеткіштері болып табылады, бұл барлығының заң алдындағы теңдігін білдіреді деді. Сот органдары азаматтардың сенімді қорғалуына кепілдік беруі керек, ал заңның үстемдігі қағидатын сақтау халықтың сенімін нығайтуды қамтамасыз ететін айтты Мемлекет басшысы.

Айта кетейік, ағымдағы жылдың маусым айында Парламент палаталарының бірлескен отырысында Конституциялық Соттың Қазақстан Республикасындағы конституциялық заңдылықты сақтау туралы жыл сайынғы Жолдауы ұсынылды (https://www.gov.kz/memleket/entities/ksrk/press/speeches/details/793?lang=kk). Жолдауда Конституциялық Соттың шешімдері мен сот тәжірибесін жалпылауға ерекше рөл берілді. Жолдауда қабылданған заңдардың сапасы мен құқықтық тазалығын қамтамасыз ету мақсатында заң жобаларын әзірлеу және қарау кезінде оларды ескеру жөнінде депутаттарға ұсыным берілген болатын.

Ақпарат көзі: Қазақстан Республикасының Конституциялық Соты