Сараптамалық кеңестің мүшесі Мүсілім Хасенов Адам құқықтары жөніндегі уәкіл Артур Ластаевты кемсітушілікке қарсы күрес мәселелері бойынша халықаралық тәжірибеге, ұлттық заңнама мен құқық қолдану тәжірибесіне талдау жасауға арналған зерттеудің аралық нәтижелерімен таныстырды.

Сарапшы талдаудың негізгі кезеңдері туралы айтып, материалдарды зерделеу барысында әзірленген ұсыныстарды жеткізді.

Адам құқықтары жөніндегі уәкіл Артур Ластаев кемсітушілікпен күресудің тиімді тетіктерін әзірлеу қажеттігін жалпы қолдады.

Омбудсменнің пікірінше, қоғамда кемсітушілікке қарсы мәдениетті қалыптастыруға ерекше назар аудару қажет.

«Кемсітушілікке қарсы мәдениетті қалыптастыру адам құқықтарын құрметтеу мәселесі ғана емес, сонымен бірге әлеуметтік бірлікті нығайтудың маңызды элементі болып табылады. Сондықтан біз бүгінде біржақтылыққа, кемсітушілікке және теңсіздікке орын болмайтын ортаны құру үшін жұмыс істеуіміз керек», - деді Уәкіл.

Сонымен қатар, Артур Ластаев Бала құқықтары жөніндегі уәкіл Динара Зәкиевамен бірге адам құқықтары саласындағы заңнаманы жетілдіру және олардың бұзылуының алдын алу саласындағы ынтымақтастықты нығайту мәселелері бұрын талқыланғанын атап өтті.

Айтылған ұсыныстар құқықтық базаны жетілдіру және адам құқықтары стандарттарын ілгерілету бойынша алдағы жұмыстардың бір бөлігі ретінде пайдаланылатын болады.

Ақпарат көзі: Қазақстан Республикасындағы Адам құқықтары жөніндегі уәкіл