KOZYBAYEV UNIVERSITY ЖАҢА ОҚУ ЖЫЛЫНА ДАЙЫНДАЛУДА: СТУДЕНТТІК ЖАТАҚХАНАЛАР ТЕКСЕРІЛДІ

Жаңа оқу жылы қарсаңында Kozybayev University басшылығы студенттік жатақханалардың дайындығына мониторинг жүргізді. Олар инфрақұрылымның қолжетімділігімен, үй-жайлардың тұрмыстық-техникалық жай-күйімен, санитарлық-гигиеналық нормалардың сақталуымен танысты.

Бүгінгі таңда университетте 1365 орындық 4 жатақхана жұмыс істейді. Студенттер үйінде жөндеу жұмыстары жүргізілді, әр қабатында Wi-Fi аймақтары мен мәдени-тынығу бөлмелері бар. Қазіргі уақытта 306 орындық жатақхананы тапсыру рәсімі жүзеге асырылуда, онда бөлмелерді жабдықтау жұмыстары жүргізіліп жатыр.

Тұрмыстық техника, төсек-орын, жиһаз және ас үй жабдықтары сатып алынады. 24 пәтер шақырылған ғалымдар мен профессорларға арналған.

Айта кетейік, университетте 1200 орындық жаңа жатақханалардың құрылысы жүргізілуде. Жаңа оқу жылында Kozybayev University жатақханаларда 2700-ден астам орынға ие болады, бұл жатақхана қажеттілігін толық қанағаттандырады.

Ақпарат көзі: Қазақстан Республикасы Ғылым және жоғары білім министрлігі