Сағадат Нұрмағамбетов атындағы Құрлық әскерлері әскери институтының «Әли» оқу орталығында 1 курс курсанттары бөлімшелер құрамында жауынгерлік атыстарды орындады.

Жауынгерлік атыс сабақтарының тақырыбы бөлімшенің күндізгі және түнгі уақытта шабуыл жасау мен қорғаныстағы іс-қимылы болды. Дұрыс тактикалық іс-әрекетке, қару-жарақты ұрыста шебер әрі тиімді қолдануға, бөлімшелердің атысын басқаруға, сондай-ақ қауіпсіздік шараларын қатаң сақтауға баса назар аударылды.

Оқу орталығында қарудың барлық түрлерінен атуды көздейтін жауынгерлік атыс жүргізу үшін қажетті жағдайлар жасалған. Командирлер жаттығуларды орындамас бұрын жеке құрамға нұсқаулық-әдістемелік сабақтар өткізді.

Курсанттар ұрысты ұйымдастыру, бөлімшені басқару, шешім қабылдау және мақсат қою дағдыларын игерді. Әрбір курсант бөлімше командирі лауазымында атысты басқара білуді пысықтады.

– Курсанттар қорғаныс және шабуыл іс-қимылдарын жүргізу барысында бөлімше мен атысты басқару бойынша жақсы тәжірибе жинай алды. Мұның бәрі тәжірибе жинақтауға және олардың кәсіби шеберлігін арттыруға ықпал етеді, – деп атап өтті институт бастығының жауынгерлік және дене дайындығы жөніндегі орынбасары полковник Дархан Есболов.

Бөлімшелердің жауынгерлік атысы жауынгерлік үйлесім мен атыс дағдыларына машықтанудың соңғы кезеңі болып табылады. Бұл әскери қызметшілердің нақты ұрыс жағдайында дайындық деңгейін тексеруге мүмкіндік береді.

Ақпарат көзі: Министерство обороны Республики Казахстан