Әлеуметтік кәсіпкерлік: Астанада мемлекеттік гранттарға өтініштерді қабылдау аяқталуға жақын
Әлеуметтік кәсіпкерлік: Астанада мемлекеттік гранттарға өтініштерді қабылдау аяқталуға жақын
Әлеуметтік кәсіпкерлік: Астанада мемлекеттік гранттарға өтініштерді қабылдау аяқталуға жақын
Астанада әлеуметтік кәсіпкерлерге 5 миллион теңгеге дейін мемлекеттік гранттар беру конкурсына өтінімдер қабылданып жатыр. Бұл туралы Коммуникациялар қызметінде өткен брифингте елордалық Инвестициялар және кәсіпкерлікті дамыту басқармасының кәсіпкерлікті дамыту бөлімінің басшысы Қуаныш Қадір айтып берді, деп хабарлайды қала әкімдігінің ресми сайты.
Өтініш 23 қазанға дейін kezekte.kz платформасы арқылы онлайн қабылданады.
«Биылғы өзгерістерге сәйкес конкурсқа тек әлеуметтік кәсіпкерлік ретінде тіркелген кәсіпкерлер ғана қатыса алады. Бағдарлама шартына сәйкес келетін әрбір кәсіпкер (грант алу үшін бар шарттар болмаған жағдайда) бір бизнес-жобаға мемлекеттік гранттар беру бойынша конкурстық іріктеуге қатыса алады», - деп түсіндірді спикер.
Байқауға қатысу үшін бірнеше талапты орындау қажет.
Осылайша, жобаны іске асыруға жұмсалатын шығындар мемлекеттік грант сомасының кемінде 20%-ы мөлшерінде қоса қаржыландыруға тиіс. Жаңа жұмыс орындарын ашу қажет.
Сондай-ақ, жобаға қажетті инфрақұрылымның болуы немесе оны құруды жоспарлау қажет.
Мемлекеттік грант қаражаты мына бағыттар бойынша пайдаланылуы мүмкін:
- тауар өндіруге немесе қызмет көрсетуге қажетті негізгі қорларды, шикізат пен материалдарды сатып алу;- материалдық емес активтерді сатып алу;- технологиялар сатып алу;- франчайзингтік құқықтарды алу;- зерттеулер жүргізу және жаңа технологияларды енгізу.
Грант алуға үміткер кәсіпкерлер өтінішпен бірге мына құжаттардың сканерленген көшірмесін PDF форматында ұсынуы керек:
1. Өтініш берген кездегі қызметкерлердің орташа саны туралы кәсіпорын басшысының қолымен және мөрімен расталған анықтама.2. Мемлекеттік грант сомасының кемінде 20 %-ы мөлшерінде қоса қаржыландырудың болуын растайтын құжаттар.3. Әлеуметтік кәсіпкерлік субъектісінің статусын растайтын құжаттың көшірмесі.
Қажетті құжаттардың толық тізімі мен конкурс шарттары қала әкімдігінің және тиісті басқармалардың ресми сайтында жарияланған.
Сұрақтар бойынша мына телефондарға хабарласуға болады: 55-69-21, 55-69-03, 55-01-81, 55-69-10.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
