Ұлытау облысының Өңірлік коммуникациялар қызметі алаңында «ОРМАН» профилактикалық іс-шарасының қорытындысы» тақырыбында баспасөз конференциясы өтті.

Ұлытау және Жаңаарқа аудандарында «ОРМАН» профилактикалық іс-шарасы өткізіліп, жеке құрамнан 72 адам, 18 техника жұмылдырылды. Профилактикалық іс-шараға ТЖД, ПД, орман және жануарлар әлемін қорғау жөніндегі мемлекеттік мекемесі, орман өрт сөндіру станция қызметкерлері, жедел жәрдем, жергілікті атқарушы органдар және ерікті өртке қарсы құрылым қызметкерлері қатысты.

Ұлытау облысының аумағында екі орман учаскесі орналасқан, бұл КММ «Жаңаарқа» орман шаруашылығы «Қараағаш» және «Ұлытау» мемлекеттік ұлттық табиғи паркі.

ТЖД қызметкерлерімен  өрт қаупі кезеңі барысында шаруа қожалықтарының, бау-бақша қоғамдарының басшыларымен дөңгелек үстелдер, оқу-жаттығулар, дәрістер мен нұсқаулықтар өткізілуде.  Бүгінгі таңда, облыс аумағында 21 өрт сөндіру бекеті құрылды, олар 47 елді мекенді өрттен қорғаумен қамтамасыз етеді. Ағымдағы жылы тағы 3 өрт сөндіру бекетін ашу жоспарда.

 Ұлытау облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан