Бүгін Корея Республикасының Президентінің Қазақстанға мемлекеттік сапары аясында Мемлекеттік қызмет істері агенттігінің төрағасы Дархан Жазықбай және Корея Республикасының Персоналды басқару министрі Ким Сын Хо мемлекеттік қызметтегі персоналды басқару бойынша өзара түсіністік туралы Меморандумға қол қойды.

Меморандум Агенттік пен Корея Республикасының Персоналды басқару министрлігі арасындағы мемлекеттік қызметтегі адами ресурстарды басқару саласындағы ынтымақтастықтың нысандары мен бағыттарын айқындайды.

Осылайша, құжатта мемлекеттік қызмет саласындағы саясатты жоспарлау және инновацияларды енгізу, персоналды басқару бойынша ақпараттық жүйелерді дамыту, меритократия қағидасы мен мемлекеттік қызметшілердің кәсібилігін нығайту, оларды оқыту және тағылымдамадан өткізуді ұйымдастыру бойынша ынтымақтастық мәселелері қарастырылған.

Сондай-ақ тараптар мемлекеттік қызметтегі адами ресурстарды басқару бойынша озық тәжірибе және біліммен алмасуды, басқа да бірлескен іс-шараларды өткізу мүмкіндігін көздейді.

Ақпарат көзі: Агентство Республики Казахстан по делам государственной службы