Мемлекет басшысының Жарлығымен қызметтік борышын атқаруда жанқиярлығы, сондай-ақ еліміздегі су тасқыны кезеңіндегі көрсеткен ерлігі үшін  Сұңғат Жүзболсын мемлекеттік

награда

Рахымжан Қошқарбаев атындағы III дәрежелі «Айбын» орденімен марапатталды.  

Маңғыстау облысы ТЖД Жетібай ауылының №10 ӨСБ өрт сөндіруші- құтқарушысы Сұңғат Жүзболсын азаматтық қорғау органдары жүйесінде 2019 жылдың мамыр айынан бастап жұмыс істейді.

Еліміздегі су тасқыны жағдайының күрделенуіне байланысты, 25 наурызда Маңғыстау облысының ТЖД жедел тобы Ақтөбе облысына жіберілді. Жедел топтың құрамында азаматтық қорғау кіші сержанты Сұңғат Жүзболсын да болды. Ол су тасқыны салдарын жоюға белсене қатысып, өзінің қызметтік міндеттерін атқаруда батылдық танытты.

Су тасқынына қарсы жүргізілген жұмыстардың нәтижелері бойынша Ақтөбе облысы Темір ауданы Шұбарқұдық ауылында және Қобда ауданының Қобда ауылында оның тікелей қатысуымен 6,5 мың адамнан астам халқы бар 1800-ден астам үйді су басуға жол берілмеді. 13 адам эвакуацияланды және құтқарылды,оның ішінде 6 бала, 43 493 текше метр су сорылды, 7 330 қап дайындалып, төселді.

3 сәуірден бастап Сұңғат Жүзболсын құрамындағы жедел топ Батыс Қазақстан облысына жіберілді. Су тасқынына қарсы жұмыстардың нәтижелері бойынша Пугачево кентінде 2 мың тұрғыны бар 600-ден астам үйді су басу қаупі жойылды, Батыс Қазақстан облысы Бөрлі ауданының Димитровка, Жарсуат, Бумакөл және Бөрлі елді мекендерінде ұзындығы 4,5 км бөгеттер тұрғызылды, 950 адам, оның ішінде 279 бала эвакуацияланды, 173 480 қап төселді және 396 488 куб.м.су. сорылды

24 сәуірде Маңғыстау облысының жедел тобының күштері Батыс Қазақстан облысынан Атырау облысына жіберілді. Сұңғат Жүзболсын құрамындағы жедел топ Атырау облысы Махамбет ауданының 13 елді мекеніне таратылды. 24 мың қап көлемінде қапшықпен салынған бөгеттерді нығайту бойынша жұмыстар жүргізіліп, Талдыкөл және Елтай кенттерінен 121 адам эвакуацияланды және құтқарылды.

 

Маңғыстау облысы ТЖД баспасөз қызметі

 

 

Ақпарат көзі: Министерство по чрезвычайным ситуациям Республики Казахстан