MAQSUT NARIKBAYEV UNIVERSITY-ДЕ PUBLIC LIBRARY ЖҰМЫС ІСТЕЙДІ

Maqsut Narikbayev University-де 2023 жылдан бері «Public Library» атты қоғамдық кітапхананың жұмыс істейтінін білдіңіз бе?

Public Library-ге кез келген адам келіп, кітап оқып, жайлы ортада өз жұмысын істей алады. Кітапханада танымал кітап дүкендерінің желілерінен табуға болатын барлық әлеуметтік-гуманитарлық шығармалар бар.

Университет кітапханасының жалпы қорында 188 мыңнан астам, ал қоғамдық кітапханада 5 мыңға жуық жаңа басылым бар. Жинақта мотивациялық әдебиет, көркем шығармалар, кез келген талғамға арналған жанрларды қамтитын жоғары мамандандырылған және ғылыми еңбектер бар. Жалпы кітапхана үш тілдегі кітаптарды, соның ішінде әлемдік бестселлерлердің қазақ тіліне аудармаларын, сондай-ақ Қазақстан туралы шет тілдеріндегі әдебиеттерді ұсынады.

Жалпы ЖОО-дағы қоғамдық кітапхана – таңсық ұғым емес. Мәселен, New York University, Harvard, Stanford сияқты әлемнің жетекші университеттерінде қоғамның қолдануына ұсынылған кітапханалар бар.

Public Library жаз айларында дүйсенбіден жұмаға дейін 9.00-ден 18.00-ге дейін, оқу жылында 9:00-ден 20:00-ге дейін, сенбі күні 17:00-ге дейін жұмыс істейді.

Ақпарат көзі: Қазақстан Республикасы Ғылым және жоғары білім министрлігі