Қорғаныс ведомствосында «Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2024 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы» Қазақстан Республикасы Президентінің 2024 жылғы 1 ақпандағы № 443 Жарлығын іске асыру туралы» қаулысына өзгеріс енгізу туралы Үкімет қаулысының жобасы әзірленді.

Жаңа құжатта ҚР Үкіметінің 2024 жылғы 16 ақпандағы қаулысы 1-тармағының 1) тармақшасын мынадай редакцияда жазу ұсынылады: «1) әскерге шақыру комиссияларының жұмысын және әскерге шақыруды кейінге қалдыруға немесе одан босатылуға құқығы жоқ он сегіз жастан жиырма жеті жасқа дейінгі 40148 ер азаматты 2024 жылдың наурыз – маусымында және қыркүйек – желтоқсанында әскерге шақыруды жүргізуді қамтамасыз етуді;». Бұған дейінгі редакцияда 2024 жылдың наурыз – маусымында және қыркүйек – желтоқсанында 39180 ер азаматты әскерге шақыру жоспарланған болатын.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде осы жылдың 19 тамызына дейін мына https://legalacts.egov.kz/npa/view?id=15158419 сілтеме бойынша таныса аласыздар.

Ақпарат көзі: Министерство обороны Республики Казахстан