Қазақстан Республикасының азаматтық қорғау жүйесін дамытудың 2022-2026 жылдарға арналған тұжырымдамасының 17-тармағына сәйкес «Азаматтық қорғау құралдарына қажеттілікті айқындау жөніндегі нұсқаулықты бекіту туралы» Қазақстан Республикасы Төтенше жағдайлар министрінің 2014 жылғы 29 мамырдағы № 260 бұйрығына өзгерістер мен толықтырулар енгізу туралы» Төтенше жағдайлар министрінің бұйрығының жобасы әзірленді (бұдан әрі – Бұйрық жобасы).

Бұйрық жобасы жеке медициналық қорғау құралдары мен байланыс құралдарына қажеттілікті анықтау бойынша толықтыруларды көздейді.

Осы құжатқа сәйкес байланыс құралдарына қажеттілік азаматтық қорғаудың құрылатын бір құрылымына кемінде екі бірлік тасымалданатын радиостанциялар есебінен айқындалатын болады, сондай-ақ жеке медициналық қорғау құралдарының тізбесі айқындалатын болады (бұрын болмаған).

Сонымен қатар бұйрық жобасында редакциялық сипаттағы түзетулер қарастырылған.

Талқылау үшін бұйрықтың жобасы «Ашық НҚА» порталында орналастырылған (https://legalacts.egov.kz/npa/view?id=15147858).

ҚР ТЖМ Азаматтық қорғаныс

және әскери бөлімдер комитеті

Ақпарат көзі: Министерство по чрезвычайным ситуациям Республики Казахстан