Бүгін ТЖМ Командалық орталығына өнеркәсіп және құрылыс министрі Қанат Шарлапаев келді.

  ТЖ министрі генерал-майор Шыңғыс Әрінов жұмыс кездесуі барысындаҚанат Шарлапаевты табиғи және техногендік сипаттағы төтенше жағдайларды жою кезінде жедел шешімдер қабылданатын жаңартылған ахуалдық залдың қызметімен таныстырды.

  «Министрліктің аппаратында Төтенше жағдайларды болжау, модельдеу және талдау үшін заманауи цифрлық жүйелерімен жабдықталған Командалық орталық құрылды. Ол Жедел штабтың функцияларын жүзеге асырумен қатар, елдегі жедел жағдайды басқарып, қажет болғанда қосымша күштер мен құралдарды ұлғайтады», – деді министр.

  Қайта форматталған ахуалдық орталықтың басты міндеті ТЖ жою жөніндегі бірыңғай басқару органын құру болып табылады. Бүгінде мұнда басқару шешімдерін қабылдау үшін мемлекеттік органдардың жаңа ақпараттық жүйелері қолданылады. Мұнда төтенше жағдайлардың алдын алу және оларды жою үшін  жедел шешімдер қабылданады.

  Кездесу барысында ТЖ вице-министрі Батырбек Әбдішев күштер мен құралдарды үйлестіру жүйелерін цифрландыру туралы айтты.  Төтенше жағдайларды болжау және мониторинг жүргізуге арналған ведомствоның жаңа инновациялық тәсілдері де көрсетілді.

  Бұдан әрі Өнеркәсіп және құрылыс министрлігінің делегациясы елордалық №23 жаңа өрт сөндіру бөлімін аралады. Осы жоба алдағы уақытта өңірлерде де жалғасын табады.  Депо 3,5 айда салынғанын атап өткен жөн. Өрт сөндіру бөлімі өзінің әмбебап конструкцияларымен, қасбеттің заманауи дизайнымен және ойластырылған функционалдылығымен ерекшеленеді.

Ақпарат көзі: Министерство по чрезвычайным ситуациям Республики Казахстан