Адам құқықтары жөніндегі уәкілдің Ақтөбе облысы бойынша өкілі Есет батыр атындағы облыстық олимпиадалық резервтің мамандандырылған мектеп-интернат-колледжінде болды.

Бару кезінде ол бірқатар заң бұзушылықтарды анықтады, сондықтан Уәкіл өкілі тиісті мемлекеттік органдарға ұсыныстар жолдады. Сонымен қатар, аталған білім ошағында тұрып жатқан және оқитын балалардың құқықтарының сақталуына қатысты түсіндіру жұмыстары жүргізілді.

Нәтижесінде мекеме басшысы мен 4 қызметкері қатаң сөгіс түріндегі тәртіптік жазаға тартылды.

Қазіргі таңда анықталған кемшіліктер толығымен жойылды.

Ақпарат көзі: Қазақстан Республикасындағы Адам құқықтары жөніндегі уәкіл