Қорғаныс министрлігі «Қазақстан Республикасы Қорғаныс министрінің кейбір бұйрықтарына өзгерістер мен толықтырулар енгізу туралы» ведомство басшысының нормативтік құқықтық актісінің жобасын әзірледі.

Нормативтік құқықтық акт 2007 жылғы 27 шілдедегі «Білім туралы» ҚР Заңы 5-1-бабының 9) тармақшасына, «Жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы» Білім және ғылым министрінің 2018 жылғы 31 қазандағы бұйрығына және «Мемлекеттік көрсетілетін қызметтер туралы» ҚР Заңының 5-бабы 2-тармағы 11) тармақшасына сәйкес әзірленді.

Мемлекеттік қызметтер көрсету бөлігінде өзгерістер мен толықтырулар «Тиісті деңгейдегі білім беру бағдарламаларын іске асыратын Қазақстан Республикасы Қорғаныс министрлігіне ведомстволық бағынысты әскери оқу орындарына оқуға қабылдау қағидаларын бекіту туралы» Қорғаныс министрінің 2016 жылғы 22 қаңтардағы № 35 және «Қазақстан Республикасы Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидаларын бекіту туралы» 2016 жылғы 22 қаңтардағы № 37 бұйрықтарына қатысты болады.

Құжатты қабылдау бюрократиялық кедергілерді алып тастауға және ҚР Қорғаныс министрлігіне ведомстволық бағынысты әскери оқу орындарына оқуға түсу, ауысу және қалпына келтіру процестерін E-gov арқылы тиісті өтінім бере отырып, цифрлық форматқа көшіруге мүмкіндік береді.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде ағымдағы жылдың 25 қарашасына дейін мына сілтеме бойынша танысуға болады: https://legalacts.egov.kz/npa/view?id=15285283

Ақпарат көзі: Министерство обороны Республики Казахстан