Алматыға Ұжымдық қауіпсіздік туралы шарт ұйымы Қорғаныс министрлері кеңесінің отырысына қатысушылар келді.

Олардың қатарында ҰҚШҰ-ға мүше елдер қорғаныс министрліктерінің басшылары, Ұйымның Бас хатшысы және Біріккен штаб бастығы бар.

Дәстүр бойынша делегация басшылары 28 гвардиялық-панфиловшылар атындағы саябақтағы мемориалға гүл шоқтарын қою рәсіміне қатысты. ҚР Қарулы күштері Ұлттық әскери-патриоттық орталығының филиалына барғанда олар Құрметті қонақтар кітабына қолтаңба қалдырды. 

Бүгін Қорғаныс министрлері кеңесінің отырысы басталып, оның барысында тараптар ұжымдық қауіпсіздік аймақтарындағы әскери қауіпсіздіктің сын-тегеуріндері мен қауіп-қатерлерін, оған қоса ҰҚШҰ-ның әскери құрамдас бөлігін дамыту мәселелерін талқылайтын болады.

ҰҚШҰ шеңберіндегі қорғаныс ведомстволарының қызметіне қатысты бірқатар құжаттарға қол қойылады деп күтілуде.

Ақпарат көзі: Министерство обороны Республики Казахстан