2024 жылғы 4 маусымда Бағалы қағаздар нарығы департаментінің директоры Айдын Дәулетбақ «Атамекен» ҚР ҰКП және «Energy Monitor» қоғамдық қоры ұйымдастырған, орнықты даму мәселелеріне арналған форумға қатысты.

Форумда компаниялар мен мемлекеттің бизнес-модельдерінде ESG қағидаттарын қолдану және орнықты дамудың маңыздылығы, технологиялар мен адам капиталын дамыту арқылы ESG енгізу мәселелері талқыланды.

Іс-шара барысында мемлекеттік және квазимемлекеттік органдардың, халықаралық ұйымдар мен бизнестің өкілдері орнықты даму саласындағы өз жетістіктерімен бөлісті және орнықты қаржыландыруды одан әрі дамытуға белсенді қызығушылық танытты.

Бағалы қағаздар нарығы департаментінің директоры Айдын Дәулетбақ өз сөзінде: «Орнықты даму мәселесі соңғы жылдары кеңінен танылып, жаһандық үрдіске айналды. Бүгінгі күні Агенттік қаржы нарығында ESG қағидаттарын енгізу бойынша белсенді жұмыс істеуде», - деп атап өтті.

Сонымен қатар қатысушылар ESG-рейтингтердің өзектілігін, орнықты қаржыландыру мүмкіндіктерін ұғынуды және ESG құралдарын пайдалану әлеуетін талқылады.

Агенттіктің Сыртқы коммуникациялар басқармасы:

 +7 (727) 2371089, press@finreg.kz

Ақпарат көзі: Қазақстан Республикасының Қаржы нарығын реттеу және дамыту агенттігі