2024 жылдың 15 мамырында Maqsut Narikbayev University-де “National Seminar on Intellectual Property (IP) Education and Skills Development» бағдарламасы аясында Дүниежүзілік интеллектуалдық меншік ұйымы (кейінгіде – ДИМҰ), ҚР Әділет министрлігі, ҚР Ғылым және жоғары білім министрлігі мен Maqsut Narikbayev University арасында «Зияткерлік меншік құқығы және бизнес» магистратураның бірлескен білім беру бағдарламасын іске қосу туралы меморандумға қол қойды.Maqsut Narikbayev University «Зияткерлік меншік және кәсіпкерлік құқық» магистратура бағдарламасы Еуразия кеңістігіндегі алғашқы және жалғыз бағдарлама болмақ. Дүниежүзілік зияткерлік меншік ұйымының осындай бірлескен магистратура бағдарламалары бұрын 14 елде ғана ашылған болатын. Атап айтқанда: Аргентина, Болгария, Зимбабве, Италия, Испания, Камерун, Корея, Қытай, Сингапур, Индия, Польша, Біріккен Араб Әмірліктері, Тунис және Турция мемлекеттерінде жұмыс жасауда.

Ақпарат көзі: Министерство юстиции Республики Казахстан