Астана, 2024 жыл 2 шілде-Қазақстан-Қытай Іскерлік кеңесі шеңберінде Қостанай облысының әкімі Құмар Ақсақаловтың қатысуымен KazFoodProducts компаниялар тобы мен myande Group қытайлық компаниясы арасында ынтымақтастық туралы Меморандумға қол қойылды.Келісім бойынша Қостанай қаласында бидайды терең өңдеу бойынша заманауи зауыт салынбақ. Жаңа кәсіпорында жылына 400 мың тонна бидайды терең өңдеу жоспарланған.Зауытта лизин (мал шаруашылығы мен медицинада қолданылатын маңызды амин қышқылы), бидай глютені (нан пісіру өнеркәсібінің маңызды құрамдас бөлігі), биоэтанол (химия өнеркәсібі үшін балама отын және шикізат), глютен (тамақ өнеркәсібінің сұранысқа ие құрамдас бөлігі) өндірілетін болады."Мемлекет басшысы үш жыл ішінде АӨК – дегі өңделген өнімнің үлесін 70% - ға дейін арттыру міндетін қойды, - деп атап өтті облыс әкімі Құмар Ақсақалов. - Бұл жобаны іске асыру астықты қайта өңдеу көлемін едәуір арттыруға, жаңа жұмыс орындарын құруға мүмкіндік береді және өңірдің АӨК-ін одан әрі дамытудың катализаторы болады".Зауыт құрылысы Қазақстан Республикасы Президентінің агроөнеркәсіптік кешенді дамыту және Қазақстан экономикасының бәсекеге қабілеттілігін арттыру жөніндегі алға қойған мақсаттарына қол жеткізуге септігін тигізуі тиіс.

Ақпарат көзі: ГУ «Аппарат акима Костанайской области»