8 қыркүйек күні елімізде Отбасы күні атап өтіледі. Мереке қарсаңында Екібастұз қаласының № 2 мамандандырылған өрт сөндіру бөлімі бастығының орынбасары Түсіпов Дидар Серікұлы отбасылық бақыт кепілімен бөлісті.

«Менің отбасым - менің тірегім», - дейді өрт сөндіруші. Отбасым кішкентай болғанымен өте берік. Қазіргі уақытта жұбайымызбен бірге екі бала тәрбиелеп отырмыз. Қызы Айзере 12 жаста, ал ұлы Әмірәлі 9 жаста. Түсіповтар отбасы - спортпен шұғылданады. Бала кезінен Дидар спортпен айналысқан.

Таэквондодан жекпе-жек түрімен айналысқан. Бірнеше мәрте облыстық және халықаралық турнирлердің және республикамыздың чемпионы атанды. Қазақстан Республикасының спорт шебері нормативін орындап, еліміздің құрама командасында болды. Пекин-2008 Олимпиада ойындарына іріктеуде лицензиялық турнирге қатысты. Қазіргі уақытта спортпен шұғылдануды жалғастыруда, футбол, волейбол, үстел теннисінен жарыстарға қатысады. Павлодар облысы ТЖД волейбол, футболдан құрама команданың құрамында болды. Бүгінгі таңда балалар әкесінен үлгі алады. Қызы Айзере хореографиялық би бойынша халықаралық турнирлердің бірнеше дүркін чемпионы.

Казань, Алматы, Астана қалалары арасында гран-при иегері. Ұлы Әмірәли каратэ мен футболды жақсы көреді. Облыстық және халықаралық турнирлердің бірнеше дүркін чемпионы, каратэдан Қазақстан Республикасы чемпионатының 2 дүркін жүлдегері.

Анасы әрқашан балалардың қызығушылықтарын қолдайды, ал әкесі балаларына тірек болып, қорғап жүреді. Дені сау ұрпақ - ұлттың жарқын болашағы. Отбасылық бақыттың кепілі ең алдымен сенім, құрмет, өзара түсіністік, өзара көмек және қолдаудан басталады.

Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан