Өңірлік коммуникациялар қызметінде Павлодар облысы ТЖД Азаматтық қорғаныс басқармасының офицері аға лейтенант Темірлан Жапалбайдың қатысуымен шомылу маусымында жүргізіліп жатқан жұмыстар мен қауіпсіздік шаралары туралы брифинг өткізілді.

Облыс аумағында 47 жағажай бар, оның ішінде 27 коммуналдық және 20 жеке жағажай бар. Жағажайлардың қауіпсіздігі мен қабылдауға дайындығы мақсатында демалушылар үшін барлығы 44 жағажайлар зерттеліп, тексеріс жүргізілді.

Департамент және оның аумақтық бөлімшелерімен күнделікті негізде, демалыс және мереке күндері күшейтілген түрде полиция, көліктік бақылау инспекциясы, көлік прокуратурасы, білім басқармасы, өрт сөндіру қызметі және жедел құтқару жасағының қызметкерлерін тарта отырып, рейдтік алдын алу іс-шараларын жүргізеді, бұдан басқа арнайы құлақтандыру көлігі мен пилотсыз ұшу аппараттары тартылады.

Жазғы кезеңінде «Ertis Promenade» сахнасында жұма күндері «Бақытты бала» қауіпсіздік мектебі жұмыс жасайды, орталық жағалаудағы балалар мен ересектер апта сайын судағы қауіпсіздік ережелерін, жүзу және алғашқы дәрігерге дейінгі көмек көрсету дағдыларын үйренеді, осы күнге дейін 800-ден астам бала оқытылды. Сондай-ақ, «Халық радиомен» бірлесіп «Бақытты балалық шақ» қауіпсіздік мектебінің жұмысы белсенді жүргізілуде, бағдарлама барысында балалар түрлі тақырыптарда қозғалатын әңгімелер мен ертегілер арқылы қауіпсіздік ережелерімен танысып, радиохабарлар арқылы үйренеді.

Департаментпен облыс аумағында 45 тыйым салу белгілері бар учаскелердің сипаттамаларын көрсететін QR-кодтар әзірленіп, орнатылды. Шомылу маусымы басталғаннан бері 5 571 рейдтік іс-шара өткізілді, жалпы 15 мыңға жуық адам қамтылды. Сонымен қатар, бұзушыларға қатысты су айдындарында қауіпсіздік ережелерін бұзу фактілері анықталған кезде әкімшілік хаттама жасалады. Жыл басынан бері рейдтік іс-шараларды өткізу барысында ТЖД, полиция департаменті, көліктік бақылау инспекциясы қызметкерлерімен барлығы 245 адам әкімшілік жауапкершілікке тартылды.

Облыс аумағында өткізіліп жатқан барлық іс-шаралар мен қабылданып жатқан әрекеттерге қарамастан, жыл басынан бері облыстың аумағында су айдындарында азаматтардың қаза болуының 9 фактісі тіркелді, шомылу кезеңінде 8 факт, оның ішінде 2 бала.

ТЖ департаменті судағы қауіпсіздік ережелерін қатаң сақтауларыңызды сұрайды. Қарапайым ережелерді сақтай отыра, Сіз өзіңіздің және жақындарыңыздың өмірін сақтап қаласыз!

Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан