Персоналды басқару қызметкерлеріне жаңа іріктеу форматының ережелері түсіндірілді

Мемлекеттік қызмет істері агенттігінде жаңа іріктеу жүйесіне 2024 жылдың 1 ақпанында қосылған және 1 шілдеден бастап қосылатын мемлекеттік органдардың персоналды басқару қызметкерлері үшін «e-Qyzmet» жүйесіндегі жаңа іріктеу форматының ережелері мен конкурс өткізу тәртібін түсіндіру бойынша семинар өткізілді.

Семинарға МҚІА басшылығы, орталық және жергілікті атқарушы мемлекеттік органдардың 100-ден астам өкілі қатысты. Ал аймақтардан 90-ға жуық адам онлайн режимде қосылды.

Шара барысында Агенттіктің іріктеу процесін толық цифрландыру арқылы «е-Qyzmet» ақпараттық жүйесін дамыту бойынша жұмысы, мемлекеттік қызметтің ашықтығын қамтамасыз етудегі жаңа іріктеу жүйесінің маңыздылығы айтылды.

Бүгінде мемлекеттік органдарда өткізілген 2000-нан астам конкурсқа 10 670 үміткер қатысып, оның 1044-і жеңімпаз ретінде танылды. Жаңа онлайн жүйе бойынша конкурсқа қатысушылардың саны 2,7 есеге артты.

Қатысушылар «e-Qyzmet» жүйесінде іріктеуді өткізу қағидаларына қатысты сұрақтарын қойып, оларға тиісті жауаптар алды.

Атап өту керек, 2024 жылғы 1 ақпаннан бастап осы уақытқа дейін мемлекеттік қызметке іріктеудің жаңа алгоритмі 22 мемлекеттік органда іске асырылуда. Жаңа іріктеу жүйесін кезең-кезеңмен барлық мемлекеттік органдарда енгізу жоспарына сәйкес, 1 шілдеден бастап қосымша 22 мемлекеттік орган осы жүйеге қосылады.

Ақпарат көзі: Агентство Республики Казахстан по делам государственной службы