Q УНИВЕРСИТЕТІ МЕН HYEOPJIN MEDITECH АРАСЫНДАҒЫ ЫНТЫМАҚТАСТЫҚ: БІЛІМ МЕН МЕДИЦИНАДА ЖАСАНДЫ ИНТЕЛЛЕКТ ҚОЛДАНУДЫҢ ЖАҢА ТЕНДЕНЦИЯСЫ

Q университетінде Hyeopjin Meditech президенті Ким Ён Хванмен және Корея Республикасының Контентті дамыту ғылыми-зерттеу институтының директоры, PhD докторы Ву Донг Вумен бірқатар кездесулер өтті. Кездесу барысында өзара ынтымақтастықтың келешегі талқыланып, оны дамытудың қадамдары белгіленді.

Сондай-ақ қонақтар Корея медицинасында кеңінен танылған Оңтүстік Кореяның жетекші университеті әзірлеген жасанды интеллект негізіндегі соңғы медициналық құрылғыны таныстырды. Қатысушыларға таныстырылған жабдық Қазақстан үшін бірегей құрылғы болмақ.

Келіссөздер нәтижесінде Q University мен Hyeopjin Meditech жасанды интеллект негізіндегі озық медициналық технологияларды қолдану және енгізу бойынша ынтымақтастыққа келісті. Тараптар Қазақстанда соңғы медициналық шешімдерді әзірлеуге және енгізуге бағытталған ынтымақтастық туралы келісімге қол қойды.

Келісім студенттерді IT саласында оқыту үшін оқу процесінде бұл құрылғыны пайдалану мүмкіндігін береді. Болашақта құрылғы AI орталығында және Q университетінің студенттері мен оқытушыларына арналған медициналық клиникада да қолданылады.

видео

Ақпарат көзі: Қазақстан Республикасы Ғылым және жоғары білім министрлігі