Кездесулер барысында аумақтық ұжымдардың әдеп жөніндегі уәкілдерінің мемлекеттік қызмет, сыбайлас жемқорлыққа қарсы іс-қимыл заңнамаларын, Әдеп кодексінің нормаларын сақтау бағытында атқарып жатқан жұмыстары жайлы баяндамалары тыңдалды.

Д. Әділханов өз кезегінде аумақтық ұжымдардағы атқарылып жатқан іс-шараларға оң баға беріп, мемлекеттік қызметшілерге 2-ші қыркүйектегі Қазақстан Республикасының  Президенті Қ.К. Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауындағы нақты бағдарлары  жөнінде баяндап  және мемлекеттік қызмет, сыбайлас жемқорлыққа қарсы іс-қимыл заңнамаларын, Әдеп кодексінің нормаларын сақтауға қатысты биылғы жылы енгізілген кейбір заңнамалардағы өзгерістер мен толықтырулар жөнінде түсініктеме берді.

Сонымен қатар, Байғанин, Темір, Мұғалжар, Қарғалы аудандарында болып,  аумақтық басқармалар ұжымдарымен кездесіп, әкімшілік ғимараттарының жәй-күйімен танысты. Әдеп жөніндегі уәкіл аталған ұжымдардағы моральдық-психологиялық ахуал тұрақты, ғимараттардың жөндеу жұмыстары сапалы, қызметкерлер мен келушілерге қолайлы жағдайлар жасалғанын атап өтті.

Ақпарат көзі: Министерство финансов Республики Казахстан