Мемлекет басшысының 2023 жылғы 28 желтоқсандағы Жарлығына сәйкес облыс құрамында Марқакөл ауданы құрылды.

Іс-шараға Шығыс Қазақстан облысы әкімінің бірінші орынбасары Н.А. Сақтағанов, сондай-ақ үкіметтік емес ұйымдар мен БАҚ өкілдері қатысты.

Кездесу барысында Вице-министр қатысушыларға елімізде жүргізіліп жатқан реформалар, заңнамалық өзгерістер туралы, сондай-ақ Мемлекет басшысының стратегиялық тапсырмаларын іске асыру барысы туралы айтып берді.

А. Бейсенбекұлы халыққа есепті кезеңдегі негізгі макроэкономикалық көрсеткіштер мен бюджет параметрлері туралы баяндады.

Сондай-ақ, Қаржы вице-министрі өңірлерді, оның ішінде Шығыс Қазақстан облысын қаржылық қолдау бойынша жүргізіліп жатқан жұмыстар туралы хабардар етті.

Өңірдің әлеуметтік-экономикалық дамуы туралы азаматтарға Н.А. Сақтағанов айтып берді.

Үкiмет пен облыс әкiмдiгi шекара маңындағы өңiрлердi дамыту жөнiнде тиiстi шаралар қабылдауда. Инвестициялық тартымдылықты арттыру, халықтың әл-ауқаты мен өмірін жақсарту үшін 2024 жылдан бастап Шекара маңындағы аудандарды дамытудың кешенді жоспарлары жұмыс істеп тұр.

Кездесу барысында азаматтар өздерін қызықтырған сұрақтарын белсенді қойып, қаржы және салық салу саласындағы өзекті тақырыптарды талқылады.

Тұрғындармен кездесуден кейін А. Бейсенбекұлы БАҚ-тың барлық сұрақтарына жауап беріп, азаматтарды жеке қабылдау өткізді.

Іс-шара аясында Вице-министр өңірдің бірқатар әлеуметтік маңызды нысандарын аралап, олардың жұмысшыларын толғандыратын мәселелерді талқылады.

Ақпарат көзі: Министерство финансов Республики Казахстан