Солтүстік Қазақстан – еліміздің ауылшаруашылық өндірісі құрылымындағы жетекші өңірлердің бірі. 2024 жылдың 1 қазанындағы жағдай бойынша теріскей өңірде 45 мыңнан астам бизнес субъектісі тіркелген.Мемлекеттік бюджетке түсетін салық түсімдері бойынша жоспар биылғы 9 айда 88,8% орындалды.Облыс халқы және іскер ортаның өкілдерімен пікір алысу барысында ҚР Қаржы вице-министрі Әсет Тұрысов ведомствоның қызметіндегі негізгі бағыттар туралы, сонымен қатар былтырғы және осы жылдағы 9 айдың жұмыс нәтижелерінің қорытындысын жеткізді. Бұдан басқа Әсет Нұрланұлы мемлекеттік қаржы саласын цифрландыру бойынша қабылданып жатқан шаралар туралы айтып берді. Оның ішінде ол «СӘАЖ», e-Salyq Azamat және e-Salyq Business сынды жобалар жөнінде қысқаша айтып өтті.Кездесуде вице-министр QR-кодты қолдану мен ақпараттың жүйелердің қаржы саласындағы артықшылықтары жайлы, сондай-ақ жалпыға бірдей декларациялаудың маңыздылығы туралы түсіндірді. Соңында Қаржы министрінің орынбасары қатысушылардың көкейкесті сұрақтарына жауап беріп, өзара пікір алысты.

Ақпарат көзі: Министерство финансов Республики Казахстан