ҚР Президенті  қарамағындағы ОКҚ-да өткен баспасөз конференциясы барысында ауыл шаруашылығы вице-министрі Бағлан Бекбауов ведомство тарапынан аграрлық секторды цифрландыру бойынша қабылданып жатқан шаралар туралы хабарлады.

«ІТ-құралдарды енгізу ауыл шаруашылығы өндірісінің өнімділігін арттырып қана қоймай, ауыл шаруашылығы өнімдерінің бәсекеге қабілеттілігін арттыруға мүмкіндік береді. Цифрландырудың арқасында ауыл шаруашылығында өндіріс көлемін арттыру, елдің экспорттық әлеуетін арттыру үшін жағдай жасалуда», - деп атап өтті спикер және ҚР АШМ теңгерімінде 4 ақпараттық жүйе бар екенін айтты.

Оның ішінде субсидиялаудың бірыңғай мемлекеттік ақпараттық жүйесі, «Ауыл аманаты» ақпараттық жүйесі, ауыл шаруашылығы жануарларын бірдейлендіру, «e-Agriculture» АӨК салаларын басқарудың бірыңғай автоматтандырылған жүйесі бар.

2023 жылдан бастап АШМ 14 бағыт бойынша мемлекеттік қолдау шараларын көрсететін Субсидиялаудың мемлекеттік ақпараттық жүйесін іске қосты. Жүйеде қызмет алушылар ретінде 90 мыңнан астам пайдаланушы, 350 астам қаржы институты тіркелген. 2024 жылы ГИСС арқылы 123 мыңнан астам өтінім келіп түсті, 67 мың өтінім мақұлданды, 40 858 өтінім қаралуда.

Сүт пен ет өндірісінің құнын арзандату, сатып алынған техниканы, өсімдіктерді қорғау құралдарын, тыңайтқыштар мен жоғары сапалы тұқымдарды субсидиялау аса сұранысқа ие.

АШМ «Ауыл аманаты» бағдарламасы бойынша шағын несиелендірудің ақпараттық жүйесін әзірледі. Кредиттеу процестерін автоматтандыру онлайн-режимде өтінім беруді қамтамасыз етуге, микрокредит беру процестерін жеделдетуге және оңтайландыруға, шешім қабылдауға адам факторларының қатысуын төмендетуге, сондай-ақ деректерге егжей-тегжейлі мониторинг пен талдау жүргізуге мүмкіндік береді.

Мал шаруашылығында қадағалануды қамтамасыз ету үшін барлық тіршілік циклін (оның ішінде мал шаруашылығы өнімдерін) автоматтандыру бойынша жұмыс жүргізілуде, «Ауыл шаруашылығы жануарларын бірдейлендіру», «Агроөнеркәсіптік кешен салаларын басқарудың бірыңғай автоматтандырылған жүйесі» ақпараттық жүйелері пайдаланылады.

Сондай-ақ, өсімдік шаруашылығын қадағалаудың жаңа ақпараттық жүйесі енгізілуде, ол «егістіктен үстелге дейін» қағидаты бойынша агроөнеркәсіптік өнім өндірісі мен шығу циклін қадағалауға, өсімдік шаруашылығында өндірілетін өніммен субсидиялаудың тиімділігін бағалауға мүмкіндік береді.

АӨК цифрландырудың соңғы кезеңі «Е-АӨК» платформасын енгізу болады.

Ауыл шаруашылығын цифрландыруға кешенді тәсілді қамтамасыз ету және агроөнеркәсіптік кешеннің бірыңғай цифрлық платформасын құру мақсатында барлық бизнес-процестерді толық автоматтандыру және цифрландыру арқылы ауыл шаруашылығы саласын цифрлық трансформациялауды жүргізу шеңберінде ауыл шаруашылығындағы барлық қолда бар ақпараттық жүйелерді біріктіру жоспарланып отыр.

Ақпарат көзі: Министерство сельского хозяйства Республики Казахстан