ҚР Әділет министрлігі қабылданған кешенді шаралардың қорытындысы бойынша осы жылдың 1 тоқсанында «проблемалық» алимент өндірістердің саны 25%-ға, ал борышкерлердің жалпы берешек сомасы 31%-ға азайды.Өткен жылы алимент өндіру ісі бойынша 326 мың атқарушылық құжат орындалуда тұрды. Оның ішінде 16 мыңнан астам құжат (20,6 млрд. теңге) «проблемалық» деп танылды.Сонымен бірге, Әділет органдары борышкерлердің жалақыларын аз қылып көрсету фактілерін анықтауға көмектесетін ақпараттық жүйенің базасын біріктіру бойынша жұмысты жалғастыруда.Прокуратура органдарымен бірлесіп борышкерлердің, оның ішінде электрондық әмияндар, төлем жүйелері және делдалдық шоттар сияқты қаржылық құралдардағы жасырын кірістерін анықтау бойынша қарқынды жұмыстар жүргізілуде.Биыл Әділет министрлігінің қызметкерлері құқық қорғау органдарымен бірлесе отырып, борышкерлерді анықтау мақсатында рейдтік іс-шаралар жүргізу жұмыстарын күшейтті.

Аталған рейдтер нәтижесінде 421 көлік арнайы тұраққа қойылып, 300 миллион теңгеге жуық қаржы өндірілді.Бұл ретте уәкілетті орган ақпараттық жүйеде статистикалық деректердің бұрмалануына жол бермеу бойынша сот орындаушыларының әрекеттеріне (әрекетсіздігіне) бақылауды күшейтті. Өйткені «проблемалық» істердің көп болуының және берешек сомасының негізгі себептері сот орындаушыларының атқарушылық іс-шараларды және электрондық атқарушылық құжатқа мәліметтерді енгізбей уақтылы орындалмауы болып табылады. Әділет министрлігі жеке сот орындаушылардың қызметіне егжей-тегжейлі мониторинг жүргізіліп, нәтижесінде бірқатар заң бұзушылықтарды анықталды.Бүгінгі күні жоғарыда аталған заң бұзушылық фактілері бойынша Әділет министрлігі бірқатар жеке сот орындаушыларды лицензиясынан айыру туралы шешімді қарастыруда.

Ал биылғы жылдың басынан бері 4 жеке сот орындаушы лицензиясынан айырылды.Бұл жұмыстар бойынша бақылау тек келіп түскен өтініштер немесе шағымдарды тексерумен шектелмейді, бұған қоса жоспарлы тексерулер жүргізіліп отырады.Әділет министрлігі бұл бағыттағы жұмысты жалғастыраатын болады.

Ақпарат көзі: Министерство юстиции Республики Казахстан