ҚР Парламент Мәжілісінің депутаты Бақтықожа Ізмұхамбетов Атырау облысына жұмыс сапарымен келді.

Жұмыс сапары аясында Мәжіліс депутаты облыстың ТЖД жеке құрамымен кездесіп, №13 мамандандырылған өрт сөндіру бөлімінің материалдық-техникалық жабдықталуын қарады.

Депутат ағымдағы жылғы 6 ай ішінде облыс аумағында орын алған төтенше жағдайлар және оларды жою, ТЖ алдын алу бағытында атқарылған бірқатар жұмыстар туралы Департамент бастығы полковник Н. Жаңабаевты тыңдап, өңірдегі ахуалмен танысты.  

Кездесу барысында жеке құрамның біліктілігін арттыруға және жұмыс жағдайларын жақсартуға қатысты мәселелер талқыланды.

Атырау облысы ТЖД

қоғаммен байланыс тобы

Ақпарат көзі: Министерство по чрезвычайным ситуациям Республики Казахстан