Бүгін Астанаға ҚР Стратегиялық жоспарлау және реформалар Агенттігінің шақыруымен директор Баходир Рахматов бастаған Өзбекстан Республикасы Президентінің жанындағы стратегиялық реформалар Агенттігінің делегациясы келді.

Іс-шараны ашқан Агенттік Төрағасы Жандос Шаймарданов ведомствоның қызметі, жұмыс жобалары мен құрылымы жайлы айтты. Сонымен қатар, Агенттік пен Ұлттық статистика бюросының сарапшылары стратегиялық жоспарлау, мемлекеттік статистиканы цифрлық трансформациялау саласындағы тәсілдерді таныстырды.

Өз кезегінде, Директор Баходир Рахматов шақырту мен  сапарды ұйымдастырғаны үшін алғыс білдіре отырып, мемлекеттік органның құрылымы мен әзірлемелерін ұсынып, стратегиялық реформаларды енгізу және мониторингілеу мәселелері бойынша Өзбекстанның тәжірибесі туралы сөз сөйледі.

Қорытындылай келе, тараптар тәжірибе алмасып, 2025 жылға арналған ынтымақтастықтың жаңа бастамаларын айқындады.

Ақпарат көзі: Қазақстан Республикасының Стратегиялық жоспарлау және реформалар агенттігі