Мамырдың 27-сі күні «Tengrinews.kz» сайтында «ШҚО-да су қорғау аймағында 0 теңгеге жер беріліп жатыр» деген материал жарияланды. Бұл жарияланымда Өскемендегі жеке тұрғын үй құрылысына қатысты бірқатар қисынсыз ақпарат жарияланған. Сол себепті мәселенің мән-жайын түсіндіре кету маңызды деп есептейміз.Су қорғау аумағы туралы екі ұғым бар: аймақ және белдеу. Су қорғау белдеуінде су шаруашылығының нысандары мен көліктерінің құрылысынан басқа бірде-бір кешенді құрылыс жұмысы жүргізілмейді. Ал су қорғау аймағында бассейн инспекциясының келісімімен тұрғын үй салуға болады. Ертіс өзенінің су қорғау аймағы мен су қорғау белдеуі Шығыс Қазақстан облысы әкімдігінің 2007 жылғы 3 шілдедегі №163 қаулысымен белгіленген. Жер учаскелері 2019 жылғы ақпан мен 2023 жылғы маусым аралығында Өскемен қаласы әкімдігінің 3 жыл мерзімге жалға алу құқығымен жеке тұрғын үй құрылысы үшін жер алуға арнайы есепте тұрған азаматтарға (10 акр) берілді. Ұсыну кезінде Ертіс бассейндік инспекциясының оң келісімі алынды.Үкіметтің 2021 жылғы 12 қарашадағы №810 қаулысымен бекітілген Өскемен қаласының бас жоспарына сәйкес, Меновное ауылындағы аталмыш учаскеде жеке аз қабатты тұрғын үйлер салуға рұқсат берілген. Бас жоспардың жобасы кешенді қала құрылысы сараптамасынан өткен және инспекциялық қызметтермен, соның ішінде Ертіс бассейндік инспекциясымен келісілген.Материалда жазылғандай, аталған аумақта ешқандай «Президент резиденциясы жоқ». Онда орналасқан ғимараттар кешені – қонақ үйі бар профилакторий нысаны. Өскемен қаласының бас жоспарына сәйкес, Меновное ауылы тұрғынының өтініші бойынша 2024 жылғы ақпанда жер учаскелерін біріктіру кезінде жер заңнамасының сақталуына жоспардан тыс тексеру жүргізілді. Заң бұзушылық анықталған жоқ. Кезінде 40 сотық жер учаскесі 4 азаматқа 3 жыл мерзімге жалға берілді. 2020 жылы учаскелер бір жерге біріктіріліп, тұрғын үйді пайдалануға беру актісі негізінде жалпыға ортақ меншік құқығы мәртебесі берілген.Материалда белгісіз бір «тұрғынның» сөзіне жүгініп, 40 сотық жер үйімен бірге 0 теңгеге сатылды деген негізсіз сілтеме келтірілген.ШҚО Жер қатынастарын басқару жөніндегі департаменттің хабарлауынша, жылдың басында Меновное тұрғынының арызы бойынша жоспардан тыс тексеру жүргізілген. Нәтижесінде жер заңнамасына қатысты заң бұзушылық анықталған жоқ. Аталмыш учаске 2019 жылы төрт азаматқа үш жылға жалға берілген. 2020 жылы ол жер учаскелері біріктіріліп, соның негізінде жалпы үлескерлік меншік құқығы мәртебесіне ие болды. Ал 2022 жылы сату-сатып алу келісімшарты негізінде учаскенің жаңа иесі тіркелді. Әкімдіктің қаулысы бойынша су қорғау аймағында жасыл желекті кесуге тыйым салынған. Аталған жер учаскесінде ағаштарды кесу дерегі бойынша полиция қызметкерлері тексеру жүргізіп, учаске иелері әкімшілік жауапкершілікке тартылды. Жергілікті полиция қызметі бұл факті бойынша №246313030055226 әкімшілік хаттама толтырды. Ендігі кезекте ТҮКШ бөлімі шығын көлемін анықтаған соң сот өз шешімін шығарады. Заң бойынша кесілген бір ағаштың орнына 10 көшет егілуі керек.

Ақпарат көзі: ГУ «Аппарат акима Восточно-Казахстанской области»