Риддер қаласында алдағы жылыту маусымына дайындық қарқынды жүріп жатыр. Қыстың қаһарлы кезеңдерінде қала тұрғындарының жайлы тіршілігін қамтамасыз ететін маңызды инфрақұрылымдық және әлеуметтік нысандар назарда. 

ЖЭО-да жөндеуді аяқтаумен қатар, жылу желілерін жаңғыртуға және қайта құруға, сондай-ақ көппәтерлі үйлерді алдағы жылыту кезеңіне дайындауға айтарлықтай күш жұмсалды.

Қалалық ТҮКШ бөлімінің хабарлауынша, қазіргі кездегі жағдай бойынша жылу желілерінде жөндеу жұмыстарын орындаудың жалпы пайызы 90% асады, бұл қаланың жылу маусымына дайындығының маңызды көрсеткіші болып табылады. 

- Бүгінгі таңда 356 техникалық дайындық актісі алынды, бұл жылу энергиясын қабылдауға дайын тұрғын үйлердің жалпы санының 87% құрайды. Биыл біз 19 шақырым жылу желісін ауыстырдық. Өткен жылды ескеретін болсақ, жылу желілерінде жылу шығыны тіркелген, биыл бес шақырым жылу трассасын қапталды. Жұмыстар жоспарлы түрде жүргізілуде және жоспарланған  мерзімінде аяқталады, - деді Риддер қаласының әкімі Думан Рахметкалиев. 

Қыс мезгіліне дайындық шеңберінде ПИК және МИБ пәтер иелерімен бірге көппәтерлі үйлердің инженерлік жүйелеріне күрделі және ағымдағы жөндеу жұмыстарын белсенді жүргізеді. Қала тұрғындары жылыту, сумен жабдықтау және су бұру жүйелерін ауыстырып, жаңа радиаторлар мен жылыту көтергіштерін орнатуда, бекіту арматурасына тексеру, сондай-ақ радиаторлардың алдына қосқыштар орнату және басқа да техникалық іс-шаралар жүргізілуде.

Сондай-ақ, тұрғын жылудың негізгі көзі ЖЭО-дан болсада, өз үйлері мен пәтерлеріне өз бетінше қамқорлық жасауы керек тұрғындардың өздері де қысқа дайындықта үлкен рөл атқаратынын атап өтті.

Ақпарат көзі: ГУ «Аппарат акима Восточно-Казахстанской области»